關於IKEA令到我諗起......
關於IKEA令到我諗起...... 今日同朋友去咗 宜家傢俬 。行過擺設家品裝飾嘅區域嗰陣，我驟眼睇到宜家傢俬有擺設唔同嘅藝術品。其中我見到有一啲畫像幾特別。😌 我就諗，如果我所創作嘅畫都可以擺喺呢度會有幾好呢。😚 由細到大我都有一個畫畫嘅習慣，有時屋企人朋友 生日嘅時候，我都會親手設計卡仔同畫送比佢哋。✨甚至我都好鍾意用我嘅公仔 畫 喺唔同嘅地方。 好鍾意 好鍾意 好鍾意 喺唔同嘅地方見到自己嘅 痕跡 。💙 上面呢一啲都係我一時興，用水彩筆畫落畫紙度～雖然稱唔上靚，但係我總覺得 好得意。💕 我成日喺度諗，會唔會有一日我嘅畫畫水平有進步之後，可以放喺某一啲舖頭度賣出去👩。或者將佢整成 貼紙、動畫 、 箍臣 。 好想有機會同其他人分享我嘅公仔~✨ 呢個係曾經屋企人生日我設計嘅草圖🍰🎂 記得前幾日我生日，朋友仲將我畫開嘅公仔， 整成生日蛋糕 ，嗰陣見到我超級驚喜覺得 好搞笑好正 😆💕 所以話，見到自己曾經畫過嘅公仔，竟然可以係其他物件上面，出現真係 好開心 💖，好多謝我嘅朋友～👧 不過值得一提嘅係，出去行街經常都可以搵到一啲靈感，或者主題去設計呢一隻公仔🐻， 好鍾意 呢一種感覺💛